Әлемдегі алғашқы су өтпейтін қолсағаттар аукционға қойылды

Әлемдегі алғашқы су өткізбейтін Rolex Oyster қолсағаттары Sotheby's аукцион үйінде саудаға шығарылды, деп хабарлайды El.kz интернет порталы. Bloomberg агенттігінің мәліметінше, бұл сағаттар Ла-Маншты жүзіп өткен спортшы Мерседес Гляйтцеге тиесілі болған.

Ерекше лоттың бағасы 1,3 миллион долларға дейін жетуі мүмкін.

Sotheby's сағат бағытының жетекшісі Сэм Хайнстың айтуынша, Гляйтце жасаған тарихи Rolex әлемге «қолсағат өндірісіндегі ең маңызды жаңалықты жасап, патенттедік» деп мәлімдеген. Оның сөзінше, дәл осы оқиға брендтің бүкіл маркетингтік стратегиясын қалыптастырған.

Хабарламада атап өтілгендей, қазіргі иесі – жеке коллекционер бұл сағаттарды 2000 жылы 17 мың фунт стерлингке (шамамен 22 мың доллар) сатып алған.

Rolex негізін қалаушы Ганс Вильсдорф 1927 жылы жаңа су өтпейтін Oyster сағатын британиялық жүзуші Мерседес Гляйтцеге сыйға тартқан. Ол су ішінде 10 сағат болғаннан кейін де сағат механизмі мінсіз жұмыс істеген.