Алдағы үш күнде елімізде ауа райы қандай болады

Қазгидромет 4-6 шілдеге арналған ауа райы болжамын ұсынды, деп хабарлайды El.kz ақпарат агенттігі.

Таяу күндері Қазақстан аумағының басым бөлігінде циклон өз ықпалын сақтайды, сонымен байланысты жаңбыр, найзағай, бұршақ және екпінді жел күтіледі.

Қатты жаңбыр 5 шілдеде солтүстік-батыста, 5-6 шілдеде солтүстікте, орталықта және оңтүстік-шығыста, 4-6 шілдеде шығыста болады деп күтілуде. Тек республиканың батысы мен оңтүстік-батысында ауа райы негізінен жауын-шашынсыз болады деп күтілуде.

Сондай-ақ еліміздің батысында күндіз +33+43°С дейін өте қатты ыстық болады деп болжанады.