Алдағы үш елімізде еліміз бойынша күн ыстық болады

Азаматтық қорғау органдары ауа райының болжамды жағдайларына байланысты жоғары дайындық режиміне ауыстырылды, деп хабарлайды El.kz ақпарат агенттігі.

Қазақстанда алдағы үш тәулікте 43 градус ыстық пен жаңбыр болады деп болжанған.

Алдағы күндері елдің шығыс, солтүстік-шығыс және оңтүстік-шығыс аймақтарына атмосфералық фронтальды бөліктер әсер етеді, найзағай, бұршақ және екпінді жел болады, 8 шілдеде солтүстік-шығыс пен шығыста, 8-9 шілдеде республиканың оңтүстік-шығысында қатты жаңбыр жауады, - деді ТЖМ баспасөз қызметіндегілер. 

Қазақстанның қалған аумағы солтүстік-батыс антициклонының ықпалында болады. Осыған байланысты ауа райы негізінен жауын-шашынсыз болады деп күтілуде. Бүкіл кезең батыста, 9-10 шілдеде Солтүстік-батыста, 10 шілдеде Қазақстанның орталығында +43 дейін өте қатты ыстық болады деп күтіліп отыр.

Азаматтық қорғау органдарының кезекші қызметтері жоғары дайындық режиміне ауыстырылды.