Алдағы түн – биылғы ең ұзақ түн: Қазақстанда қысқы күн тоқырауы басталады

21 желтоқсанға қараған түні Қазақстан аумағында жылдың ең ұзақ түні болады. Бұл құбылыс қысқы күн тоқырауымен байланысты. Астрономиялық тұрғыда дәл осы күні Күн көкжиектен ең төмен биіктікке көтеріліп, күндізгі уақыт ең қысқа, ал түнгі уақыт ең ұзақ болады, деп хабарлайды El.kz интернет порталы.

Мамандардың айтуынша, қысқы күн тоқырауынан кейін күн біртіндеп ұзаруды бастайды. Алғашқы күндері айырмашылық аса байқалмаса да, бірнеше аптадан соң күндізгі уақыттың ұзара түскені сезіледі. Бұл – табиғаттың жаңа циклге аяқ басуының белгісі.

Халық арасында бұл кезең ежелден ерекше мәнге ие. Қысқы күн тоқырауы табиғаттың «тыныс алу» сәті ретінде қабылданып, жарықтың қайта оралуын білдіретін символдық күн саналған. Көптеген мәдениеттерде дәл осы уақытта түрлі салт-дәстүрлер мен наным-сенімдер қалыптасқан.

Синоптиктер алдағы күндері ауа райы өңірлерге қарай әртүрлі болатынын айтады. Дегенмен астрономиялық тұрғыдан алғанда, 21 желтоқсаннан кейін түн қысқарып, күн ұзара бастайды. Бұл өз кезегінде тұрғындардың көңіл күйіне де оң әсер етеді.

Айта кетейік, қысқы күн тоқырауы – Солтүстік жартышар үшін қыс мезгілінің ресми астрономиялық басталуы болып саналады.