Алдағы күндері ауа райы қандай болады

«Қазгидромет» РМК мамандары алдағы күндерге арналған ауа райы болжамын ұсынды, деп хабарлайды El.kz ақпарат агенттігі.

Синоптиктердің болжамынша, кезекті солтүстік-батыс циклоны және онымен байланысты атмосфералық фронтальды бөлімдер елдің басым бөлігінде, 28 қаңтарда елдің батысында, солтүстік-батысында, солтүстігінде ауа райының тұрақсыз сипатына алып келеді.

Республиканың қалған аумағында қар, ылғалды қар және жаңбыр түрінде әр түрлі фазада жауын-шашын болжанады. ҚР бойынша тұман, желдің күшеюі, елдің солтүстік жартысында боран, республиканың оңтүстігінде, оңтүстік-шығысында көктайғақ болады.Температуралық фонда күрт өзгерістер күтілмейді.