Алдағы күндері елдің солтүстігінде қар жауып, күн суытады

Алдағы тәуліктерде солтүстік-батыс циклонның соңынан суық антициклон келеді, деп хабарлайды El.kz

Республиканың солтүстік, орталық және шығыс өңірлерінде жаңбырдың соңы қарға ұласады. Көктайғақ, тұман және ауа температурасының минусқа дейін төмендеуі күтіледі.

Желдің күшеюі болжанады, еліміздің оңтүстік-батысында, оңтүстігінде шаңды дауыл соғады.

Еліміздің солтүстік өңірлерінде термометрлердің түнгі көрсеткіштері 1-6 градусқа дейін төмендейді, ал күндіз ауа температурасы 1-6 градусқа дейін аздап жоғарылайды. Ал республиканың оңтүстік және батыс өңірлерінде күндіз ауа температурасы 15-23 градусқа дейін жылы болады.