Алаяқтар алған несиені банктің өзі өтеуі мүмкін

Енді алаяқтық жолмен алынған несиелерді банктер төлеуі мүмкін, деп хабарлайды EL.kz ақпарат агенттігі.

Қаржы нарығын реттеу және дамыту агенттігінің өкілдерінің айтуынша, Ұлттық банк базасында арнайы орталық құрылмақ. Қаржы ұйымдары күмәнді операцияны байқаған сәтте тексеру жүргізбек.

Агенттік директоры Александр Терентьев күмәнді транзакциялар туралы барлық ақпарат Ұлттық банкте құрылатын алаяқтыққа қарсы орталықта жиналатынын айтты.

Ұялы байланыс операторларына да жалған номерлермен күресті күшейту үшін талапты қатайту жоспарда бар. Біз мәжіліске алаяқтар қолды қылған ақшаны өтеу бойынша түзетулерді ұсынып қойдық. Осыған байланысты жұмыс жүріп жатыр, - деді ол.

Өткен жылы елімізде 15 мыңнан астам алаяқтық факті тіркелген. Оның 6 мыңы несиеге қатысты.