«Air Astana» мен «FlyArystan» АҚ әуе компанияларына арнайы тексеру жүргізіледі

«Air Astana» АҚ және «FlyArystan» АҚ әуекомпанияларына жолаушылардың құқықтарын сақтауға қатысты арнайы тексеру жүргізіледі, деп хабарлайды El.kz ақпарат агенттігі.

«Air Astana» АҚ мен «FlyArystan» АҚ-ның техникалық себептер бойынша рейстерді кешіктіру жағдайларының көбеюіне, сондай-ақ жолаушылардың құқықтарын сақтауға қатысты көптеген шағымдарға байланысты Көлік министрлігінің Азаматтық авиация комитеті ұшулардың тоқтатылуы, кешігуі және тиісті қызметтерді көрсетпеу себептерін, сондай-ақ Қазақстан Республикасының әуе кеңістігін пайдалану және авиация туралы заңнамасының талаптарын бұзуға байланысты басқа да жағдайларды анықтау үшін комиссия құрды, - делінген Азаматтық авиация комитетінің мәліметінде.

Сонымен қатар, «Қазақстанның авиациялық әкімшілігі» АҚ бас директорының бұйрығымен «Air Astana» АҚ мен «FlyArystan» АҚ-на жоспардан тыс тексеру жүргізіледі.

Комиссия жұмысының және жоспардан тыс тексерудің нәтижелері қосымша хабарланады.