Адам неге тоңғақ болады? Дәрігер себебін атады

Адамның тез тоңуы және суыққа төзбеушілігі ағзадағы зат алмасу мен энергия алмасу бұзылыстарымен байланысты болуы мүмкін. Бұл туралы терапевт Оксана Пивоварова «Известия» басылымына берген сұхбатында айтты, деп хабарлайды El.kz интернет порталы.

Пивоварованың айтуынша, қалқанша безінің гормондары (Т4 және Т3) жеткіліксіз болған жағдайда немесе гипотиреоз кезінде ағзадағы метаболикалық процестердің жылдамдығы күрт төмендейді. Ал жылу өндіруге жауапты қоңыр май тінінде термогенез бұзылады.

Сонымен қатар гормон жетіспеген кезде перифериялық қан тамырлары созылмалы түйілу жағдайында болады.

Бұл адамның терісін үнемі суық әрі бозғылт қылады, сондай-ақ қол-аяқтағы қан айналымының нашарлауына әкеледі. Гипотиреоз жалпы әлсіздік пен шаршауды да тудырады, бұлшықет жұмысы арқылы жылу өндіруді азайтып, суықта қалтырап тоңу механизмін әлсіретеді, – деді дәрігер.

Суыққа төзімсіздікті асқындыратын қосымша мәселелер де бар:

• анемия – тіндерге оттегінің жеткізілуін нашарлатады,
• гипогликемия – жасушаларды энергия көзінен айырады,
• тері құрғауы – оның оқшаулау қызметін әлсіретеді.

Дәрігер осы факторлардың барлығы адамның тоңғыштығына себеп болуы мүмкін екенін атап өтті.