Абайда қоршаған ортаны ластаған 1300-ден астам адам жазаланды

Абай облысында қоршаған ортаны ластауға қатысты құқықбұзушылықтарды анықтау және жолын кесу бағытындағы жұмыстар жалғасуда. Жыл басынан бері 1316 адам «Ортақ пайдаланылатын орындарды ластау» бойынша әкімшілік жауапкершілікке тартылды, деп хабарлайды El.kz ақпарат агенттігі.

Облыстық ПД құқықбұзушылықтар жедел басқару орталығының бейнебақылау камералары арқылы тіркеліп жатқанын атап өтті. Бақылау жүйелері аулаларда, жол бойында, аялдамалар мен тұрғын үйлердің маңында орнатылған. Камералардың көмегімен полиция қызметкерлері құқықбұзушыларды жедел анықтап, тиісті шара қолдануда.

Бейнебақылау жүйелерін пайдалану бізге құқықбұзушылықтарды тіркеп қана қоймай, олардың алдын алуға да мүмкіндік береді. Азаматтарды тазалықты сақтауға және қоршаған ортаға құрметпен қарауға шақырамыз, – деді облыстық ПД Жергілікті полиция қызметі басқармасының бастығы Әсет Өтепов.