Абай полициясы жаңа жыл қарсаңында болған ерекше оқиғалармен бөлісті

Абай облысында жаңа жыл түні полиция мен жедел қызметтердің үйлесімді жұмысының арқасында тыныш өтті. Дегенмен кейбір ерекше оқиғалар тіркелген, деп хабарлайды El.kz ақпарат агенттігі. 

Солардың ішінде Семей қаласынан түскен хабарламаны атап өтуге болады. Сағат 16:31-де әйел азаматы дәретханаға кіріп, есікті ашпай қойған және шығудан бас тартқан. Полицейлер жағдайды тез шешуге көмектесіп, оқиға сәтті аяқталған. Ал  Затон ауданында сағат 03:45-те электр сымдарының ақауы салдарынан моншада өрт шыққан. Қызыл жалын жылдам сөндіріліп, ешкім зардап шекпеді. 

Ақсуат ауылында мас күйінде болған ер адам далада ұйықтап қалып, жеңіл үсік алған. Оған дер кезінде көмек көрсетілген. 

Жалпы өңірде 31 желтоқсаннан 1 қаңтарға қараған түні 123 оқиға тіркелген. Оның ішінде бірнеше қылмыстық құқықбұзушылықтар бар.