Абай облысында төбелестен 13 жасар жасөспірім көз жұмды

Абай облысында 13 жасар жасөспірім пышақ жарақатынан көз жұмды. Бұл туралы Абай облыстық Полиция департаментіне сілтеме жасай отырып El.kz ақпараттық агенттігі хабарлайды. 

Полицияның деректеріне сүйенсек, 6 маусымда 13 жасар жасөспірім облыстық балалар клиникалық ауруханасына жеткізілген. Ол су қоймасының маңында болған төбелес кезінде жарақат алған болып шықты.

- Балалар арасындағы жанжал төбелеске ұласқан. Төбелескендер анықталып, күдікті уақытша ұстау изоляторына қамалды. ҚР ҚК-ның 99-бабы бойынша соталды тергеу басталды, - деп жазылған хабарламада.

Тергеу жұмыстарының нәтижесі бойынша заңды процестік шешім қабылданады. Қылмыстық-процестік кодекстің 201-бабы 1-бөлігіне сәйкес соталды тергеп-тексерудің деректері жарияланбайды.