Абай облысында 133 мектеп Starlink технологиясына қосылады

Биылғы қыркүйек айына дейін Абай облысындағы интернет жылдамдығы төмен барлық мектеп STARLINK технологиясына қосылады, деп хабарлайды El.kz ақпарат агенттігі.

Абай облысы білім басқармасының мәліметінше, облыста 302 жалпы білім беретін мектеп, 7 жекеменшік, 4 арнайы интернат, 3 облыстық мектеп бар, олардың барлығы 100% интернет желісіне қосылумен қамтамасыз етілген.

Starlink технологиясына қосылу үшін облыста төмен жылдамдықтағы 133 мектеп анықталды. Абай ауданы – 5, Аягөз – 10, Бесқарағай – 16, Бородулиха – 23, Жарма – 23, Көкпекті – 13, Ақсуат – 9, Семей қаласы – 4, Үржар – 29. Осы мектептерде жергілікті желіні жүргізу жоспарлануда, - делінген мәліметте.

Нәтижесінде интернет жылдамдығы орта есеппен 150 МегаБит/секундқа дейін артады.