Абат Айымбетов Түркияда үшінші матч қатарынан гол соқты

«Адана Демирспор» клубының қазақстандық жартылай қорғаушысы Абат Айымбетов Түркия біріншілігінде шеберлігін көрсетуді жалғастыруда, деп хабарлайды El.kz ақпарат агенттігі.

Айымбетов Суперлиганың 17-турының аясында «Хатайспор» қақпасына 75-минутта гол соқты. Ұлттық құрама шабуылшысы оң жақ қапталдан келген допты қақпаға дәл бағыттап, есепті өз клубының пайдасына 3:1-ге жеткізді.

Айта кетейік, Айымбетов Суперлигада осымен үшінші матч қатарынан мергендік танытып отыр. Бұған дейін жерлесіміз «Бешикташ» (2:1) пен «Гёзтепе» (1:3) клубтарының қақпаларынан саңылау тапты. Осылайша, Абат 11 ойында үш голмен ерекшеленді.