Қаңтар оқиғасы кезінде 232 адам көз жұмған

Қаңтар оқиғасынан кейін азаптау фактілері бойынша 15 қызметкер күдікке ілінді. Қазір соның ішінде тоғызы қамауда отыр. Бұл туралы бас прокурор орынбасары Әсет Шындалиев мәлімдеді, – деп хабарлайды El.kz порталы  Sputnik Қазақстан -ға сілтеме жасап.

Шындалиевтің айтуынша, қаңтар оқиғасы кезінде 232 адам көз жұмған. Ал тағы алты адам түрмедегі азаптаулардан кейін қаза болды.

– Қазіргі таңда азаптау бойынша 15 адам күдікті деп танылды. Соның ішінде тоғызы қамауда отыр. Олардың сегізі – ұлттық қауіпсіздік комитетінен, біреуі полициядан, – деді Шындалиев мәжіліс кулуарында.

Қалғандары бостандықта, оларға ел аумағынан шығуға тыйым салынған. Шындалиев тергеу әлі жүріп жатқанын айтты.