Ақтөбеде ҚХА Кубогі үшін мини-футболдан турнир өтті

Ақтөбеде «Мың бала» республикалық жобасы аясында «Жаңғыру жолы» РМД Ақтөбе штабы «Қоғамдық келісім» КММ қолдауымен ҚХА жастары мен Ақтөбе қаласының мектеп оқушылары арасында 7-мамыр - Отан қорғаушылар күніне арналған мини-футбол турнир ұйымдастырып өткізді.

Ерлер мерекесі қарсаңында болашақ әскерге шақырылушылар өз ойын дағдыларын көрсетті. Турнирге 4 команда қатысты.

Төрешілер алқасын М. Тынышпаев атындағы Ақтөбе көлік және коммуникация колледжінің кафедра меңгерушісі, жоғары санатты педагог Жанболат Даримбетов басқарды. Турнирдің бас төрешісі Ақтөбедегі футболдың танымалдығына қарамастан спортпен айналыспайтын жастар әлі де көп екендігін атап өтті. 

Турнир 2 айналымда өтті. Жеңімпаз команда болып № 23 орта мектеп командасы атанып, облысық ҚХА кубогын және 1 дәрежелі дипломды жеңіп алды. 2 орын  № 28 мктепке бұйырды, 3 орынды № 25 және 20 мектеп оқушылары өзара бөлісіп алды.