Ақтөбеде Қазақстан мен Ресей достығын айғақтайтын «Мәңгілік бірге» көркемөнерпаздар фестивалі өтті

Ақтөбеде «Мәңгілік бірге» атты Ресей Федерациясы отандастарының көркемөнерпаздар фестивалі өтті.

Ақтөбе облысы Қазақстан халқы ассамблеясы хатшылығының меңгерушісі Н. Барбосынов қонақтарды және қатысушыларды жарқын мерекемен құттықтап, жалпы шараның Петропавл қаласындағы шекаралық форум және ОДКБ саммиті  аясында  өткізіліп жатқандығын атап өтті.

Фестивальдің құрметті қонағы – Ресей Федерациясының Орал қаласындағы вице-консулы Владимир Волков шекаралық ынтымақтастық және жастардың халық құндылығына қызығушылығын қалыптастыру аясында осы шараның маңыздылығын тағы бір атап өтті.

Қонақтар «Шабыт» шеберлер одағының қолданбалы суретшілері көрмесі жұмысымен танысты.

Фестивальде Ақтөбе облысының этномәдени бірлестіктерінің үздік шығармалары шырқалады, «Славяне» аймақтық орталығының барлық ұжымдары өнер көрсетті.

Ағымдағы жылы «Славяне» Ақтөбе аймақтық орталығының шығармашылық ұжымы Башқұртстанның Кумертау, Орынбор, Елек қалаларының сахна төрінде өнер көрсетті және ОРТ федералдық телеарнасында көрсетілген «Играй гармонь» фестивалінің түсіріліміне қатысты.