Ақмола өңірінің татарлары дәстүрлі «Чәк-чәк бәйрамын» атап өтті

Көкшетаудағы Достық үйінде Ақмола облыстық Қазақстан халқы ассамблеясының қолдауымен татар және башқұрт бірлестігі астықты жинауға, жазғы жұмыстың қорытындысын шығаруға арналған «Чәк-чәк бәйраме» іс-шарасын бесінші мәрте өткізді.

Достық үйінің залында Сәндік қолданба өнері шеберлерінің одағы өз бұйымдарының көрмесін ұсынды. Мұнда Нұр-Сұлтан қаласынан келген «Дуслык» ансамблінің орындаушысы Рамиля Мусинаның қолынан шыққан киізден жасалған бұйымдар, ұлттық мәнердегі бас киімдер ұсынылды.

Мерекелік іс-шараны Ақмола облысының татар және башқұрт бірлестігінің төрағасы Рафаил Сулькарнаев ашты. Ол баршаны мейраммен құттықтап, чак-чак әлдеқашан татар халқының брендіне, игілік нышанына айналғанын атап өтті.

Мерекелік концертке Ақмола облысының татар және башқұрт бірлестігінің «Ғалиябану» мен Нұр-сұлтан қаласының «Дуслық» халықтық ансамблдері, би және вокал ұжымдары қатысты.

Салтанаттың шарықтау шегі татар ас үйінің тағамын үздік әзірлеуде шеберлігі сыналған аспаздық байқауының қатысушыларын марапаттау болды.

Облыс әкімі, Қазақстан халқы Ақмола ассамблеясы төрағасының жүлдесі – астау Хуррия Фатхиеваға бұйырды.

Көкшетау қаласы әкімінің сыйлығын Галия Рахметулина жеңіп алды. Бірінші орынды Мунира Салимова місе тұтты.