9 жылдан кейінгі жүлде: Семсерлесуден Азия чемпионатында Қазақстан құрамасы қола алды

Семсерлесуден Кувейтте өтіп жатқан Азия чемпионатында қылыш сайысы бойынша Қазақстан ерлер құрамасы қола жүлде жеңіп алды, деп хабарлайды El.kz ақпарат агенттігі.

Спортты дамыту дирекциясының мәліметінше, бұл Қазақстан құрамасының Азия чемпионатында 9 жылдан кейін қол жеткізген алғашқы жүлде.  2015 жылы жігіттеріміз Сингапурде өткен жарыста да қола жүлде алған болатын.

Ерлер құрамасындағы спортшылар:

Артем Саркиссян;

Назарбай Саттархан;

Бақдәулет Құралбекұлы;

Жанат Набиев.

Чемпионаттың 1/8 финалында Қазақстан құрамасы өзбекстандық спортшалырмен бақ сынасып, 45:44 есебімен жеңіске жетті. Ал 1/4 финалда отандастарымыз  Жапония құрамасын жеңді. 

Жартылай финалда қазақстандық спортшылар Иран құрамасына есе жіберді. 

Айта кетейік, жарыс 27 маусымға дейін жалғасады.