9 желтоқсанда елордалық бастауыш сынып оқушылары түске дейін қашықтан оқиды

Елорданың бірінші ауысымдағы 0-4 сынып оқушылары 9 желтоқсанда онлайн оқиды, деп хабарлайды El.kz қалалық Білім басқармасына сілтеме жасап.

Ауа райының қолайсыздығына байланысты қала мектептерінің бірінші ауысымдағы 0-4 сынып оқушылары үшін сабақ қашықтықтан оқыту форматына ауысады, - делінген ведомство таратқан хабарламада

Сондай-ақ басқарма бұған дейін желіде таралған Астана мектептерінде 0-11 сынып оқушылары мен колледждердің 1-2 курс студенттерінің сабақтары болмайды делінген ақпараттың жалған екендігін айтты.

Бұған дейін 8 желтоқсан күні елдің бірнеше өңірлеріндегі мектептер, соның ішінде Астана қаласының 0-9 сынып оқушылары онлайн форматта оқыған  болатын.