Басты
Жаңалықтар
Қоғам
44 жастағы астаналық тұрғын қайтыс болған соң бес адамға донор болды

44 жастағы астаналық тұрғын қайтыс болған соң бес адамға донор болды

Зарина Арман
Фото: МӘМС баспасөз қызметі
Астана тұрғыны өмірден озған соң өзінің ағза мүшелерін донорлыққа беріп, бес адамның өмірін сақтап қалды, деп хабарлайды El.kz ақпарат агенттігі Sputnik-ке сілтеме жасап.
 
University Medical Center мамандары үш науқасқа донорлық органдарды трансплантациялаған. 
17 шілдеде University Medical Center клиникаларында орган трансплантациясын күтіп, тізімде тұрған үш пациентке донорлық органдарды трансплантациялау операцияларын сәтті орындалды. Донор геморрагиялық инсульт алған 44 жастағы әйел болды. Марқұмның туыстары орган донорлығына келісім беріп, бес адамға өмір сүруге мүмкіндік берді", - дейді ведомство.
UMC жүрек орталығында медициналық топ бұрын механикалық қан айналымын қолдау құрылғысы LVAD имплантацияланған 43 жастағы науқасқа донорлық жүрек трансплантациясын жасады. Екінші науқасқа өкпе трансплантациясы жасалды. UMC Ана мен бала орталығында 15 жасар қызға бүйрек трансплантациясы жасалды. Барлық реципиенттердің жағдайы қанағаттанарлық, олар мамандардың бақылауымен оңалтудан өтеді.
Сондай-ақ екінші донорлық бүйрек пен бауыр Астана қаласының Ұлттық ғылыми онкологиялық орталығында пациенттерге трансплантацияланды. Жүрек пен өкпе трансплантациясы қайтыс болғаннан кейінгі донордан, мидың өлімі расталған кезде ғана жүзеге асырылады. Алайда, одан әрі процесс көбінесе әлеуетті донордың жақын туыстарының шешіміне байланысты, - дейді клиника.
 
донор Астана
Қысқа да нұсқа. Жазылыңыз telegram - ға

Оқи отырыңыз

{