3,5 млн-ға жуық қазақстандық ел ішінде саяхаттаған

Ресми статистикалық мәліметтерге сәйкес, биыл қаңтар-маусым аралығында 3 млн 431 мың қазақстандық ел ішінде саяхаттаған. Мұндай мәліметті Туризм және спорт министрлңгң ұсынды, деп хабарлайды El.kz ақпарат агенттігі.

Ішкі туристер саны өткен жылдың сәйкес кезеңімен салыстырғанда 349 мың адамға көбейген. 2023 жылы бұл көрсеткіш 3 млн 082 мың адамға жеткен еді.

Алматы, Астана және Шымкент қалалары жалпы туристер үлесінің 51%-ын тарта отырып, ішкі туристік бағыттар арасында көшбасшы болып тұр. Сондай-ақ өткен жылдың бірінші жартыжылдығымен салыстырғанда Қазақстанның 14 өңірінде туристер санының өскені байқалған.

Жыл өткен сайын елімізде ішкі туризмге деген сұраныстың артып келе жатқаны байқалады. Мұны ресми статистикадағы көрсеткіштер айғақтайды. Мәселен, биылғы алты айда 3,5 миллионға жуық турист ел ішінде саяхат жасады. Өткен жылмен салыстырғанда нәтиже айтарлықтай жақсарған. Бұл – туристік инфрақұрылым мен қызмет көрсету сапасын жақсарту бағытындағы мақсатты жұмысымыздың нәтижесі екенін айта кеткен жөн. Алдағы уақытта да туристер санын арттыру үшін осы саладағы серпінді жұмысымызды жалғастырамыз, - деп атап өтті Туризм индустриясы комитетінің төрағасы Нұртас Кәріпбаев.