34 жылда тұңғыш рет: «Наполи» – Италия чемпионы

Италияның А сериясында жеңімпаз мерзімінен бұрын анықталды, деп хабарлайды El.kz ақпарат агенттігі.

Маусымның аяқталуына бес тур қалғанда «Наполи» чемпион атанды.

Неаполитандықтар бұл атаққа 33-турда сырт алаңда «Удинеземен» тең ойыннан (1:1) кейін қол жеткізіп отыр. Санди Ловрич салған голға «Наполиден» Виктор Осимхен жауап берді. Ал тең ойын «Наполиге» жеңімпаз атану үшін жеткілікті болды.

«Наполи» соңғы рет чемпиондық атаққа 1989/90 маусымда қол жеткізген.

«Наполи» қазір 80 ұпаймен бірінші орында келеді, ал 43 ұпайы бар «Удинезе» 12-сатыда.