30 шілдеге арналған ауа райы болжамы

«Қазгидромет» РМК 30 шілдеде ауа райының бұзылуына байланысты бірнеше өңірде ескерту жариялады, деп хабарлайды EL.KZ.

Ақмола облысының солтүстік жартысында қатты жаңбыр жауады. Облыстың солтүстік-батысында, шығысында найзағай, күндіз бұршақ күтіледі. Солтүстік-шығыстан жел соғады, өңірдің солтүстігі мен батысында күші 15-20 м/с құрайды. 

Қарағанды облысының солтүстігінде, шығысында қатты жаңбыр болжанады. Облыстың батысында, солтүстігі мен шығысында найзағай ойнап, бұршақ жауады. Желдің бағыты батыстан солтүстік-шығысқа ауысады, облыстың оңтүстігінде, шығысында екпіні 15-20 м/с құрайды. 

Алматы облысының оңтүстігінде қатты жаңбыр, найзағай күтіледі. Найзағай кезінде желдің екпіні 15-20 м/с артады. 

Ақтөбе облысының оңтүстігі мен шығысында найзағай күтіледі. Солтүстік-шығыстан, солтүстіктен жел соғады, күндіз шығыста екпіні 18 м/с құрайды. 

Түркістан облысының тауларында қатты жаңбыр болжанады. Өңірдің оңтүстігінде, таулы және тау бөктерлі аудандарында найзағай, дауыл, бұршақ күтіледі. Солтүстік-батыстан жел соғады, найзағай кезінде екпіні 15-20 м/с артады. Өңір бойынша төтенше өрт қаупі сақталады. 

Жетісу облысының таулы аймақтарында қатты жаңбыр, найзағай, бұршақ, дауыл күтіледі. Оңтүстік-батыстан жел соғады найзағай кезінде күші 15-20 м/с жетеді. Облыстың басым бөлігінде төтенше өрт қаупі сақталады. 

Қызылорда облысында жел солтүстік-батыстан, солтүстіктен соғады, күндіз өңірдің орталығында күші 15-20 м/с артады. Облыстың басым бөлігінде төтенше өрт қаупі сақталады. 

Павлодар облысының батысында, солтүстігінде қатты жаңбыр, найзағай, бұршақ, дауыл болжанады. Түнде облыстың оңтүстігінде тұман күтіледі. Солтүстік-шығыстан жел соғады, найзағай кезінде екпіні 15-20 м/с құрайды. 

Батыс Қазақстан облысының батысында найзағай күтіледі. 

Қостанай облысының шығысында қатты жаңбыр күтіледі. Облыстың шығысында, оңтүстігінде найзағай, күндіз бұршақ, дауыл күтіледі. Солтүстіктен жел соғады, облыстың солтүстігінде, шығысында, оңтүстігінде екпіні 15-20 м/с құрайды.