22 жасар жігіт жоқ пәтерлерді жалға беріп келген

Ақмолада жас жігіт алаяқтықты кәсіп еткен. Ол жоқ пәтерлерді жалға берумен айналысқан, деп хабарлайды El.kz ақпарат агенттігі.

Күдіктіні криминалдық полиция басқармасының киберқылмысқа қарсы күрес бөлімі ұстады.

Бұрын алаяқтық үшін қылмыстық жауапкершілікке тартылған ер адам Instagram әлеуметтік желісінде және Крыша.kz сайтында пәтерді жалға беру туралы жалған хабарландырулар орналастырған. Банктік картасына алдын ала төлем алғаннан кейін клиенттердің телефон нөмірлерін бұғаттап отырған.

Жалпы алғанда ол пәтерлік алаяқтықтың 8 фактісіне күдікті болып отыр. Оның алтауы Ақмола облысының аумағында жасалған – деді Ақмола облысы ПД киберқылмысқа қарсы күрес бөлімінің бастығы Ермек Манатов.

Қылмыстық кодекстің 190-бабының 2-бөлігі «Алаяқтық» бойынша сотқа дейінгі тергеу басталды.

Оқи отырыңыз: 

• Әскери билетті сатып алмақ болған астаналық оңбай алданды
• Кибергигиена: Жеке деректерді алаяқтардан қалай қорғаймыз?