2026 жылғы жазғы Азия ойындарының бағдарламасына ММА қосылды

Азия Олимпиада кеңесі 2026 жылғы жазғы Азия ойындарының бағдарламасына ММА (аралас жекпе-жек) қосылғанын хабарлады. Бұл туралы кеңестің Олимпиада комитеттеріне жолдаған ресми хатында жазылған, деп хабарлайды El.kz ақпарат агенттігі.

ММА спорты 2026 жылдың 19 қыркүйегі мен 4 қазаны аралығында Жапонияның Нагоя қаласында өтетін XX жазғы Азия ойындарының бағдарламасына енді, – делінген хатта. 

ММА жарыстары екі стильде – заманауи және дәстүрлі түрде 6 салмақ дәрежесінде өтеді:

Ерлер:

• Заманауи стиль: 60 кг, 71 кг
• Дәстүрлі стиль: 65 кг, 77 кг

Әйелдер:

• Заманауи стиль: 54 кг
• Дәстүрлі стиль: 60 кг