2025 жылы әлемдегі ең танымал 10 кроссовердің тізімі жарияланды

Focus2move порталы 2025 жылдың алғашқы жартыжылдығы бойынша әлемде ең көп сатылған кроссоверлер мен жол талғамайтын көліктердің (SUV) тізімін жариялады, деп хабарлайды El.kz интернет порталы.

Әлемде ең көп сатылған кроссовер – Toyota RAV4

Жалпы сату көлемі бойынша көшбасшы — Toyota RAV4. Бұл модель бірнеше жыл қатарынан нарықтағы үздік позициясын сақтап келеді. Екінші орында — Tesla Model Y, ал Honda CR-V үздік үштікті қорытындылайды.

ТОП-5 кроссовер:

1. Toyota RAV4
2. Tesla Model Y
3. Honda CR-V
4. Hyundai Tucson
5. Kia Sportage

Үздік ондыққа мына модельдер енді:

• Volkswagen Tiguan
• BYD Song
• Honda HR-V
• Mercedes-Benz GLC
• Hyundai Creta

Бұл модельдер дизайн, қауіпсіздік, жанармай үнемділігі мен технологиялық жабдықталуы жағынан жоғары сұранысқа ие.

Toyota маркасының сенімсіз модельдері аталды

Сондай-ақ осыған дейін ең сенімсіз Toyota автокөліктерінің тізімі жарияланған болатын. Сарапшылардың пікірінше, соңғы 20 жылдағы ең проблемалы модель — GR Supra спорткупесі. Бұл көлікте жиі кездесетін ақаулар ретінде тежегіш көмек жүйесінің бұзылуы мен қауіпсіздік белбеуінің тартқыш механизміне қатысты ақаулар аталды.

Сонымен қатар Toyota bZ4X маркасының жаңа электрмобилі сенімділігі төмен модельдер қатарынан орын алған. Оның ең көп таралған мәселесі — дөңгелек хаб болттарының сапасыздығы.