«20 жылдан көп болса екен»: Шерзаттың анасының хаты оқылды

Соттағы жарыссөздер кезінде Шерзат Болаттың отбасы атынан сөз сөйлеген өкіл оның анасы жазған хатты оқып берді, деп хабарлайды El.kz интернет порталы.

Зардап шеккен тараптың адвокаты Мейірман Шекеев Гүлбара Бишембиеваның жазбаша үндеуін оқыды. 

Оқи отырыңыз:

• «Мазалағым келмейді». Бельгиядан келген Жәнібек анасын тапты ма
• Сәбилерді шетелге сатқан сегіз дәрігер сотталатын болды

Хатта анасы ең алдымен ұлының өліміне күдікті адамға ең қатаң жаза – өмір бойы бас бостандығынан айыру немесе кем дегенде 20 жылдан жоғары мерзім тағайындауды сұрады.

Мен ешкімнің басына мұндай қайғы келмесе екен деп тілеймін, ешбір ана жыламасын. Құрметті сот, әділ үкім шығарылады деп үміттенемін. Бұл жаза 20 жылдан көп болса екен деймін, бұл өзгелерге сабақ болсын. Ертең тағы бір баланың басына осындай жағдай түспесін, - деп жазған Гүлбара Бишембиева.

Бұған дейін прокурор Дана Сәрсенбай Шерзатты өлтірді деген айыпталушы Абзал Шынасылды 23 жылға соттауды сұрады.