12 Қараша, 14:42
Сән мен жылдамдық үйлесімі: әлемдік сән үйлері қолтаңбасын қалдырған бес автокөлікАлдағы күндері Қазақстанның өңірлерінде ауа райы құбылмалы болады.
Оңтүстік аймақтарда күн жылып, ауа температурасы +20 градусқа дейін көтерілсе, елдің кей жерлерінде түнгі аяз -18 градусқа дейін күшейеді. Сонымен қатар бірқатар өңірде жаңбыр мен қар жауып, көктайғақ болуы мүмкін.
Оңтүстікте күн +20 градусқа дейін жылынады
Синоптиктер болжамынша, 17-19 қараша аралығында жоғары қысым аймағы елдің шығысына қарай жылжиды. Соның әсерінен Қазақстанның шығысында, оңтүстігі мен орталық бөлігінде жауын-шашынсыз ауа райы сақталады.
Күндіз оңтүстік-батыс өңірлерде ауа температурасы +10…+15 градусқа дейін көтерілсе, оңтүстікте +10…+20, оңтүстік-шығыста +10…+18 градус шамасында болады. Ал батыс пен шығыста күн +5…+10 градусқа дейін жылынады.
Солтүстік пен орталық өңірлерде күндіз ауа температурасы -1…+4 градус аралығында сақталады.
Бірқатар өңірде қар, жаңбыр жауып, көктайғақ болады
Алдағы күндері антициклонның орнын солтүстік циклонның терең ойысы басады. Алдымен оның әсері елдің батысында сезіліп, кейін солтүстік-батыс пен солтүстік өңірлерге таралады.
Бұл аймақтарда жаңбыр мен қар жауып, көктайғақ болуы ықтимал. Республика бойынша жел күшейеді. Сондай-ақ түнде және таңертең солтүстік өңірлер мен оңтүстіктегі таулы аймақтарда тұман түсуі мүмкін.
Түнде аяз -18 градусқа дейін күшейеді
Күндіз кей өңірлерде ауа райы жылынғанымен, түнде Қазақстанның басым бөлігінде температура нөлден төмендейді. Елдің орталығында, сондай-ақ шығыс және оңтүстік-шығыстағы таулы аудандарда түнгі аяз -13…-18 градусқа дейін жетуі мүмкін.
Алматыда алдағы үш күнде ауа райы біртіндеп жылынады. 19 қарашаға қарай ауа температурасы +13 градусқа дейін көтеріледі. Ал Астанада күн әлдеқайда салқын болып, күндізгі температура нөл градус шамасында болады. Қазгидромет мәліметінше, екі қалада да әзірге жауын-шашын болмайды.
Алматыда күн +13 градусқа дейін жылынады
17 қарашада Алматыда күн құбылмалы болады, жауын-шашын жаумайды. Түнде және таңертең тұман түсуі мүмкін. Түнгі температура -2…-4 градус, күндіз +5…+7 градус болады.
18 қарашада да жауын-шашын болжанбайды. Түнде ауа температурасы 0…+2 градус шамасында болса, күндіз +9…+11 градусқа дейін көтеріледі.
19 қарашада Алматыда күн тағы да жылынады. Түнде 0…+2 градус, күндіз +11…+13 градус болады.
Астанада күндіз ауа температурасы нөлге жуықтайды
17 қарашада елордада жауын-шашын күтілмейді. Түнде ауа температурасы -6…-8 градусқа дейін төмендесе, күндіз +2…+4 градус болады.
18 қарашада да күн құбылмалы, жауын-шашынсыз болады. Түнде -2…-4 градус, күндіз +2…+4 градус шамасында сақталады.
19 қарашада түнгі температура -5…-7 градусқа дейін төмендейді. Күндіз ауа температурасы нөл градус шамасында болады. Жел оңтүстік-шығыстан соғып, жылдамдығы секундына 5-10 метрге жетеді.
12 Қараша, 14:42
Сән мен жылдамдық үйлесімі: әлемдік сән үйлері қолтаңбасын қалдырған бес автокөлік10 Қараша, 17:27
Картада болмаған құпия қала: Шағанның ұмыт қалған тарихы9 Қараша, 13:41
Әкімшілік айыппұл: тексеру, төлеу және шағымдану жолдары6 Қараша, 17:08
Өзге ғаламшар ма дерсің: Қазақстандағы ерекше мекендер