19 қазанда ауа райы қандай болады?

«Қазгидромет» 2025 жылғы 19 қазанға арналған республикалық ауа райы болжамын жариялады, деп хабарлайды El.kz интернет порталы.

Синоптиктердің мәліметінше, елдің батысында, солтүстік-батысында, шығысында және оңтүстік-шығысында жаңбыр мен қар түріндегі аралас жауын-шашын күтіледі. Ал қалған өңірлерде ауа райы жауын-шашынсыз болады деп болжануда.

Республика аумағында желдің күшеюі күтіледі. Солтүстік өңірлер мен оңтүстік-шығыстың таулы аймақтарында тұман түсуі ықтимал. Қызылорда облысында түнде 1–6 градус үсік күтіледі. Сондай-ақ Алматы облысының солтүстік бөлігінде 1 градус шамасында үсік болуы мүмкін. Бұдан бөлек, синоптиктер жоғары және төтенше өрт қаупі сақталатынын ескертті.

• Жоғары өрт қаупі Маңғыстау, Атырау (солтүстік-шығыс және оңтүстік-шығыс), Ақтөбе (оңтүстік және шығыс), Жамбыл (орталық), Қызылорда (солтүстік және орталық), Алматы (батыс), Қостанай (оңтүстік-батыс), Ақмола (оңтүстік-батыс), Ұлытау (шығыс және орталық) және Абай облыстарының оңтүстік бөлігінде күтіледі.

• Төтенше өрт қаупі Қызылорда, Түркістан, Атырау (солтүстік, оңтүстік және шығыс), Жамбыл (батыс және солтүстік), Ақтөбе (батыс, солтүстік-шығыс және орталық), Алматы (солтүстік), Қостанай (оңтүстік), Батыс Қазақстан және Ұлытау (оңтүстік) облыстарында сақталады.

Синоптиктер тұрғындарға ауа райының күрт өзгеруіне дайын болуды және өрт қауіпсіздігі ережелерін сақтауды ескертеді.