18 жасқа толған сайлаушы алғаш рет дауыс берді

№137 сайлау учаскесінде 18 жасқа енді толған сайлаушы Рафа Бердалы алғаш рет дауыс берді, деп хабарлайды El.kz ақпараттық агенттігі.

Ол бұл күнді асыға күткенін айтады.

Бұрындары сайлауға тек волонтер ретінде қатысатын едім. Енді бүгін сайлаушы ретінде бірінші рет келіп тұрмын. Сондықтын алдымен сайлаудың қалай өтетіні жайлы ақпарат алдым. Мен де дауыс беруге қатыса алғаныма қуаныштымын. Сайлау мемлекеттің дамуына, болашағына әсер етеді. Сондықтан алғаш рет дауыс беріп отырған сайлаушы ретінде оның маңыздылығын білуіміз қажет деп ойлаймын. Сайлауға дауыс беруге көпшіліктің жиналғанын көріп, таңқалдым. Бұған қарап сайлаушылар өзіне артылған жауапкершілікті сезіне білгенін аңғаруға болады, - деді ол.

Сондай-ақ алғаш дауыс бергені елорда тұрғынына арнайы сыйлық берілді.