13 жастағы қыз терезе сүртемін деп 10-қабаттан құлап кетті

Шешенстанның Грозный қаласында көпқабатты үйдің оныншы қабатындағы пәтердің терезесін жуып жатқан 13 жастағы жасөспірім қыз абайсызда құлап, қаза тапты, деп хабарлайды El.kz  интернет порталы.

Бұл туралы РФ Тергеу комитетінің Шешенстан бойынша басқармасы мәлімдеді.

Оқиға Ахмат ауданындағы көпқабатты үйлердің бірінде болған. Алдын ала мәлімет бойынша, мектеп оқушысы терезені жуу үшін сыртына шыққан, бірақ тепе-теңдікті жоғалтып, жоғарыдан құлап кеткен. Қыз бала алған жарақаттарынан оқиға орнында көз жұмған.

Қазір оқиға бойынша тексеру жұмыстары жүргізіліп жатыр.