13 қараша: қай өңірлерге ескерту жарияланды

«ҚазАвтоЖол» ұлттық компаниясы Қазақстан аумағындағы республикалық маңызы бар автожолдардағы соңғы ахуал туралы ақпарат таратты, деп хабарлайды El.kz интернет порталы.

2025 жылғы 13 қараша сағат 08:00-дегі мәліметке сәйкес, бірнеше өңірде жол учаскелеріндегі уақытша жылдамдық шектеулері алынып тасталды.

Ақмола облысы:

«Астана - Қарағанды - Алматы» тасжолының 30-92 шақырымдары аралығында (Жібек Жолы төлем бекетінен бастап Қарағанды облысының шекарасына дейін) қозғалыс жылдамдығы 80-нен 110 шақ/сағ деңгейіне көтерілді.

Қарағанды облысы:

Дәл осы бағыттағы 92-164 шақырымдық бөлігінде (Ақмола облысының шекарасынан Теміртау төлем бекетіне дейін) жылдамдық шектеуі 60 шақ/сағ-тан 110 шақ/сағ-қа дейін ұлғайтылды.

Ал 7 қарашадан бастап Ақмола облысында «Астана - Көкшетау – Петропавл - РФ шекарасы» автожолының 19-231 шақырым учаскесінде (Астана - Щучинск бағытында), керісінше, жылдамдық төмендетілді - 110-нан 80 шақ/сағ-қа дейін.

Сондай-ақ, 13 қараша күні Ақмола, Қарағанды, Шығыс Қазақстан, Жетісу, Абай және Павлодар облыстарында қар мен жаңбыр аралас жауын жауады деп күтіледі.

Мамандар жол қозғалысына қатысушыларға абай болуды, жылдамдық пен арақашықтықты сақтауды, сондай-ақ ауа райының қолайсыздығына байланысты сақтық шараларын ұстануды сұрайды.

Бұған дейін синоптиктер еліміздің көп аймағында жауын-шашын мен көктайғақ болатынын ескерткен еді.