13 мамырда елімізде ауа райы қандай болады

13 мамыр күні Қазақстанның бірқатар өңірінде ауа райы тұрақсыз болады. Бұл туралы «Қазгидромет» РМК мамандарына сілтеме жасай отырып El.kz ақпарат агенттігі хабарлайды.

Мекеме деректеріне сүйенсек, Ақтөбе облысының оңтүстік және шығыс бөліктерінде, сондай-ақ Ұлытау облысының батысы мен оңтүстігінде күн қатты ысиды – ауа температурасы +35°С-қа дейін көтерілуі ықтимал.

Болжам бойынша, оңтүстік циклон мен оған байланысты атмосфералық фронттар Қазақстан аумағының басым бөлігінде тұрақсыз ауа райын тудырады: найзағай, бұршақ, жауын-шашын, желдің күшеюі, солтүстік-батыс пен солтүстікте нөсер жауын күтіледі. Түнде және таңертең оңтүстік-батыс, солтүстік және орталық аймақтарда тұман түсуі ықтимал.

«Қазгидромет» қолайсыз ауа райының кейбір салдарына тоқталды:

Жоғары өрт қаупі Маңғыстау, Қарағанды, Ұлытау, Абай, Жетісу, Жамбыл, Түркістан, Алматы, Атырау, Ақтөбе, Павлодар, Қостанай, Шығыс Қазақстан және Ақмола облыстарының кейбір бөліктерінде күтіледі.

Төтенше өрт қаупі Қызылорда, Түркістан, Маңғыстау, Жамбыл, Қарағанды және Жетісу облыстарының бірқатар аудандарында болжануда.