13 ақпанда бірқатар өңірде жел күшейіп, көктайғақ болады

13 ақпанда елдің басым бөлігінде жел күшейіп, көктайғақ және тұман болатындығы болжанды, деп хабарлайды El.kz Қазгидрометке сілтеме жасап.

Атап айтқанда, шығыс аймақтарда қар жауып, жаяу бұрқасын болады. Сондай-ақ батыс аймақтар мен ҚР оңтүстігінің таулы аудандарында жаңбыр және қар еріп жауады. Оңтүстік-шығыста, солтүстікте және орталықта – ауа райы жауын-шашынсыз болады.

Еске сала кетейік, бұған дейін Маңғыстау мен Батыс Қазақстанда ауа райына байланысты ескерту жарияланған болатын. Аталған өңірлерде боран соғып, көктайғақ орын алатыны айтылды.