"100 аялдама": Актауда жаңа аялдамалар салынып жатыр

Ақтау қаласында қоғамдық көлік инфрақұрылымын жақсарту мақсатында 100 жаңа аялдама орнатылуда, деп хабарлайды El.kz интернет порталы.

Бұл туралы қала әкімі Әбілқайыр Байпақов есептік кездесуінде мәлімдеді. Қазіргі таңда қалада 258 аялдама болса, соның 78-і жабдықталмаған, ал 22-сі ескі үлгідегі аялдамалар.

Биыл осы мәселені түбегейлі шешу үшін бюджеттен қаражат бөлініп, мердігер мекеме аялдамаларды орнату жұмыстарын бастап кеткен.

Әкімнің айтуынша, алдымен аялдама мүлде болмаған 78 орынға жаңа нысандар қойылады. Кейін ескі 22 аялдама жаңартылмақ. Жоспар бойынша барлық орнату жұмыстары тамыз айында аяқталады.