«Құнанбай» фильмі ХІІ Қазан халықаралық мұсылман киносы фестиваліне қатысады

«Құнанбай» тарихи көркем фильмі 5-11 қыркүйек аралығында ХІІ Қазан халықаралық мұсылман киносы фестиваліне қатысады. Бұл туралы «Қазақфильм» АҚ баспасөз қызметі хабарлады.

Картина режиссері Қазақстанның халық әртісі, ҚР Мемлекеттік сыйлығының лауреаты Досхан Жолжақсынов. Фильмде Шыңғыстау ауылының болысы Құнанбай Өскенбайұлының өмірі мен көпшілікке бейтаныс жаңа образы көрініс тапқан.

ХІІ Қазан халықаралық мұсылман киносы фестиваліне осы уақытқа дейін әлемінің 50 елінен 700-ден астам өтінім келіп түскен. Соның ішінде іріктеу конкурсынан 60-қа жуық ойын, документалды және анимациялық  фильм өткен. Сондай-ақ фестиваль аясында кино қайраткерлерімен шеберлік сағаттары, фестиваль қатысушыларымен шығармашылық кездесу, түрлі дөңгелек үстелдер, баспасөз конференциялары өтеді. Әділ қазылар төрағасы болып танымал кинорежиссер, Ресей халық әртісі Александр Прошкин тағайындалған.