457.7
492.81
6.49

Алматылықтарға қоғамдық орындарда маска тағу ұсынылды

Мегаполис қазір "жасыл" аймақта
mskcc.org
Фото: mskcc.org 05.12.2022 20:47 284
Алматыда бір аптада коронавирус инфекциясын жұқтырудың 187 жағдайы тіркелді. Бұл туралы қалалық санитарлық-эпидемиологиялық бақылау департаменті басшысының орынбасары Әсел Қалықова мәлімдеді, деп хабарлайды El.kz ақпараттық агенттігі.

Әсел Қалықованың cөзінше, эпидемиологиялық жағдай тұрақты. Мегаполис қазір "жасыл" аймақта.

Қалалық СЭБД-нің статистикасына сай, кейінгі аптада CVI жағдайлары аздап өсті - 1,2%. Осылайша өткен жеті күнде 155-ке қарсы 187 жағдай тіркелді. 100 000 адамға шаққандағы covid төсек-орындарының толтырылу деңгейі 9,2 (27 адам) болды немесе бөлінген 450 төсек-орынның 6%-ы.

"Кейінгі жеті күнде негізгі жұқтыру орындары сауда нысандары – 33,3%, қоғамдық көліктер – 41,6%, базарлар – 5,4%, басқа өңірлерге сапарлар – 6,5% болды", - деді Әсел Қалықова.

Сонымен қатар спикер пациенттермен сенімді байланыс отбасында – 7,1%, туыстары мен көршілеріне бару кезінде – 3%, жұмыс орнында – 3% орнатылғанын айтты. Ауру жұқтырғандардың көбі 20-39 жас аралығындағылар – 46,5% жағдай. Одан кейінгі орында 40-59 жас аралығындағы азаматтар – 22%, сонымен қатар 60 және одан жоғары жастағылар – 16%.

Балалар мен жасөспірімдер арасындағы аурушаңдық деңгейі әлдеқайда төмен: бір жасқа дейінгі балалар – 6,4%, 14 жасқа дейінгілер – 4,3%, 15-19 жас аралығындағы жасөспірімдер мен жігіттер – 6,9%.

Әсел Қалықова алты ай сайын белсенді түрде вакцинациялауды, адам көп жиналатын жерлерден аулақ болуды, ал егер келушілер көп болатын қоғамдық орындарда жүру қажет болса, медицина маскасын тағуды, әлеуметтік қашықты және жеке бас гигиенасын сақтауды ұсынды.

Пандемия басталғаннан 2022 жылдың 4 желтоқсанына дейін Алматыда COVID-19 инфекциясының 257 522 жағдайы тіркелді.

Қысқа да нұсқа. Жазылыңыз telegram - ға

Жаңалықтар