"Жындардың мейрамы": ҚМДБ хэллоуин мерекесі туралы мәлімдеме жасады
ҚМДБ Шариғат және пәтуалар бөлімінің меңгерушісі, наиб мүфти Сансызбай Құрбанұлы хэллоуин мерекесі исламға да, қазаққа да қатысы жоқ екенін айтты, деп хабарлайды El.kz ақпарат агенттігі.
Хэллоуин – жындардың мейрамы, оның дінімізге де, қазаққа да қатысы жоқ. Шариғатымыз мұндай мерекелерге тыйым салған. Себебі, Пайғамбарымыз (с.ғ.с.) кәпір қауым сияқты болмауды ескерткен. Ибн Омар (р.а) риуаят еткен хадисте Пайғамбарымыз (с.ғ.с.): "Кімде-кім қандай да бір қауымға ұқсаса, ол солардан болады, – делінген жазбада.
Айта кетейік, жыл сайын 31 қазаннан 1 қарашаға қараған түні әлемде Хэллоуин мерекесі тойланады. Сан түрлі бейнедегі костюмдер, асқабақтан ойылған символдар құрлық асып біздің елге де жеткендей. Асқабақ астық жинау науқанының аяқталуымен қатар, жын-пері мен оны үркітетін отты да білдіреді.
Қысқа да нұсқа. Жазылыңыз telegram - ға