Жыл соңына дейін 7 мың шақырым жол жөнделеді – Көлік министрлігі
Фото: t.me/KZgovernment
Фото: t.me/KZgovernment
30.07.2024 12:03
426
Премьер-министр Олжас Бектеновтің төрағалығымен өткен Үкімет отырысында көлік министрі Марат Қарабаев елдегі жолдардың жай-күйі туралы баяндады, деп хабарлайды El.kz ақпарат агенттігі.
Биыл Қазақстанда жалпы қолданыстағы 12 мың шақырым жол, оның ішінде 8 мың шақырымы республикалық, 4 мың шақырымы жергілікті маңызы бар жол құрылысымен және жөндеумен қамтылғаны атап өтілді.
Жыл қорытындысы бойынша 7 мың шақырымға жұмысты аяқтау жоспарланып отыр, атап айтқанда, Алматы – Қарағанды, Талдықорған – Өскемен, Ақтөбе – Атырау – Астрахан және Мерке – Бурылбайтал жолдарының I және II техникалық санатқа ауыстырылып, учаскелерінде жұмыстар аяқталады. Жалпы, қабылданып жатқан шаралар жол қауіпсіздігін арттыруға мүмкіндік береді, — деді Марат Қарабаев.
Бөлісу:
Қысқа да нұсқа. Жазылыңыз telegram - ға