Жыл басынан су саласындағы 7 мыңға жуық жұмысшының еңбекақысы өсті
![Жыл басынан су саласындағы 7 мыңға жуық жұмысшының еңбекақысы өсті Жыл басынан су саласындағы 7 мыңға жуық жұмысшының еңбекақысы өсті](/storage/storage/element/2024/07/10/mainphoto/111882/1200xauto_0SkdrWWDDXPQjQEESHCWO178YPALulGAGQieI4xt.jpg)
1 қаңтардан еңбекақысы тариф есебінен төленетін «Қазсушар» мамандарының айлығы орта есеппен 25%-ға көтерілді, деп хабарлайды El.kz ақпарат агенттігі.
Су ресурстары және ирригация министрлігінің мәліметінше, 1 мамырдан еңбекақысы республикалық бюджеттен төленетін бірқатар мамандардың айлығы 25%-ға ұлғайды.
Су саласы қызметкерлерінің еңбекақысын ұлғайту бағытындағы жұмыс одан әрі жалғасады. Бұл бір күндік іс-шара емес және су шаруашылығы мамандықтарының тартымдылығын арттыруға мүмкіндік береді. Бұл біз үшін өте маңызды, - деді су ресурстары және ирригация вице-министрі Ерболат Ибрайханов.
Еске сала кетейік, кеше, 9 шілдеде елімізде су шаруашылығы саласы қызметкерлерінің күні аталып өтті.
Кәсіби мерекеде су саласының 323 қызметкері мен ардагері марапатталды.
![Telegram](https://el.kz/static/site/images/tel26.png)