ЖИ Дубайдағы мейрамхананың бас аспазы атанды
Дубайдағы (БАӘ) Gastronaut Hospitality компаниясына қарасты Woohoo мейрамханасында тағамдарды мыңдаған рецепт пен дәм үйлесімділігіне негізделген деректер бойынша оқытылған «Шеф Айман» есімді жасанды интеллект әзірлейді, деп хабарлайды El.kz интернет порталы.
South China Morning Post (SCMP) газетінің дерегінше, 2025 жылдың қыркүйегінде ашылған бұл мейрамхана өзін «гастрономияның болашағы» ретінде таныстырады.
Жоба тарихы мейрамхана иесі Ахмет Ойтун Чакирдің шығармашылық дағдарысқа тап болған сәтіндегі экспериментінен басталған. Жаңа тағам ойлап табу үшін ол ChatGPT-ге жүгініп, рецепт сұрайды. Нейрожүйе оған дәмдеуіштермен дайындалған қой етін ұсынған.
Бұл таңғаларлық жағдай болды. Біз бірден суретке түсіріп, мәзірге қостық. Сол сәттен бастап ол ең көп сұранысқа ие тағамға айналды, – дейді мейрамхана иесі.
ЖИ-аспаз – БАӘ-дағы Vivid Studios компаниясы әзірлеген Umai моделіне негізделген аватар. Ол көзілдірік таққан, болашағы бар футуристік келбеті бар, орта жастағы ер адам бейнесінде жасалған. «Шеф Айман» көптеген рецепттер мен тағам жөніндегі мәліметтерден жинақталған білімді қолданып, ас үйді басқарады.
Woohoo мейрамханасы гастрономияда жасанды интеллектті қолданудың эксперименттік үлгісі саналады. «Шеф Айман» әртүрлі ингредиенттер мен дәм үйлесімдерін біріктіре отырып, жаңа тағамдар жасай алады. Мұндай тәсіл болашақта мейрамхана индустриясының дамуына және тамақ дайындау әдістеріне елеулі әсер етуі мүмкін.
Посмотреть эту публикацию в Instagram
Қысқа да нұсқа. Жазылыңыз telegram - ға
Оқи отырыңыз 
