Жезқазған тұрғыны полиция көлігінде қайтыс болды
Жезқазғандық полицейлер алкоголь ішкен ер адамды полиция көлігімен медициналық тексеруге алып бара жатқанда, ол қайтыс болды, деп хабарлайды El.kz ақпарат агенттігі.
Ұлытау облыстық ПД баспасөз қызметінің мәліметінше, учаскелік полиция инспекторлары әйелі телефон соққаннан кейін мас ер адамды үйінен алып кеткен. Әйел күйеуінің ішімдік ішіп, жанжал шығарғанын айтып шағымданған. Медициналық мекемеге бара жатқанда ер адам аяқ асты ауырып, қайтыс болды.
Сот-медициналық сараптама өлімнің алкогольдік кардиомиопатиядан туындаған жедел жүрек жеткіліксіздігінен болғанын анықтады.
Ведомство аталған факті бойынша сотқа дейінгі тергеп-тексеру жұмыстары жүргізіліп жатқанын хабарлады.
Облыстық полиция департаментінің ішкі қауіпсіздік басқармасы қызметкерлерінің іс-әрекетінен ешқандай заң бұзушылықтар анықталмады.
Қысқа да нұсқа. Жазылыңыз telegram - ға