Жетісуда коммуналдық қызмет құны бірден 10 есеге өскен
![Жетісуда коммуналдық қызмет құны бірден 10 есеге өскен Жетісуда коммуналдық қызмет құны бірден 10 есеге өскен](/storage/storage/element/2024/02/29/mainphoto/91995/1200xauto_clZE5Bl1EVIhnvGOiQJsekEQnxefhjD1k9xIVn57.jpg)
Жетісу облысының прокурорлары коммуналдық қызмет тарифтеріне тексеру жүргізді, деп хабарлайды El.kz ақпарат агенттігі.
Табиғатты қорғау прокуратурасының шараларымен облыстың 5 ауданында (Панфилов, Қаратал, Ақсу, Сарқан аудандары және Текелі қаласы) коммуналдық қалдықтарды шығарудың тарифтері төмендетілді.
Прокурорлар уәкілетті органдардың үш жылдан астам уақыт бойы мәслихатқа оларды бекіту үшін тарифтер ұсынбағанын анықтады.
Қызмет көрсететін компаниялар тарифты өз бетінше белгілеп, оның сомасын 1 м3 1500 теңгеден 5000 теңгеге дейін қойған.
Қадағалау актісі бойынша аталған аудандардың тұрғындары үшін жаңа тарифтер бекітілді, бұл қызмет ақысын 2 есеге, ал кейбір жағдайларда 10 есеге төмендетуге мүмкіндік берді.
Бұл 100 мыңнан астам тұтынушының, оның ішінде 6 мың заңды тұлғаның мүддесі қорғалғанын көрсетеді.
Бұл бағыттағы жұмыстар облыстың басқа да аудандарында (Алакөл, Кербұлақ және Сарқан аудандары) жалғасын табуда.
![Telegram](https://el.kz/static/site/images/tel26.png)