Жас дзюдошы Әділжан Жаудинов әлем чемпионатының қола жүлдесін иеленді
Қазақстан құрамасының жас дзюдошысы әлем біріншілігінде қола жүлдеге ие болды, деп хабарлайды El.kz интернет порталы.
Болгарияның София қаласында өтіп жатқан жасөспірімдер арасындағы дзюдодан әлем чемпионатының соңғы күнінде қазақстандық спортшы Әділжан Жаудинов +90 кг салмақ дәрежесінде үшінші орынға тұрақтады. Қола жүлде үшін өткен белдесуде ол Чехия спортшысы Меличар Скодаға қарсы татамиге шыққан болатын.
Жаудинов белдесуді толық бақылауда ұстап, техникалық әрі тактикалық басымдығын көрсетті. Екі вазари орындап, қарсыласының табанды қарсылығына қарамастан сенімді жеңіске жетті.
Чемпионат қорытындысы бойынша Қазақстан құрамасы жалпыкомандалық есепте 6-орынға табан тіреді. Ұлттық құрама барлығы бес медаль иеленген. Оның ішінде 1 алтын, 1 күміс және 3 қола жүлде бар.
Қысқа да нұсқа. Жазылыңыз telegram - ға
Оқи отырыңыз 
