Су жаңа көлігінің де май «жейтінін» байқаған жүргізуші уайымдайтыны анық. Бірақ бұл қозғалтқыштың табиғи жұмысына тән қалыпты құбылыс екенін естен шығармаңыз. Іштен жану қозғалтқышында отын жанған кезде аздаған мөлшерде май да камераға түсіп, ауа-отын қоспасымен бірге жанып кетеді, деп хабарлайды El.kz интернет порталы.
Рravda.ru ақпаратына сәйкес, жаңа көліктерде май шығыны өте болғанымен, уақыт өте келе тетіктердің тозуына байланысты май жоғалту деңгейі артады және майды жиі толықтыру қажет болады.
Май шығынының қалыпты деңгейі қандай?
Әрбір автокөлік өндірушісі май шығынының өз нормасын белгілейді. Орта есеппен бұл – 100 литр отынға 0,005-0,025% шамасында. Яғни қозғалтқыш дұрыс жұмыс істеп, көлік бірқалыпты режимде жүрсе, май деңгейінің азаюы байқалмайды.
Алайда көлікті жоғары айналымда, ыстықта немесе жиі кептелісте жүргізу кезінде майдың жануы да күшейетінін ұмытпаңыз.
150 000 км-ден артық жүрген ескі қозғалтқыштарда май шығыны көбіне 0,1% және одан жоғары болуы мүмкін.
Турбоқозғалтқыштарда бұл көрсеткіш тіпті 0,3%-ға дейін жетеді, ал дизельді қозғалтқыштарда – шамамен 0,03-0,05% (жаңаларда) және 0,2%-ға дейін (ескілерде).
Қозғалтқыш түріне қарай май шығыны
|
Қозғалтқыш түрі |
Жаңа мотор (қалыпты норма) |
Ескі мотор (жоғары шығын) |
|
Бензинді |
0.005-0.025% |
0.025-0.1% |
|
Турболық |
0.1%-ға дейін |
0.1-0.3% |
|
Дизельді |
0.03-0.05% |
0.2%-ға дейін |
Майдың артық шығынының негізгі себептері
Поршень сақиналары мен цилиндрлердің тозуы. Саңылау кеңейген сайын май жану камерасына өте бастайды.
Сальник, тығыздағыш, май қырғыш қақпақшаларының ақауы. Герметизацияның бұзылуы – ескі моторлардың басты мәселесі.
Май тұтқырлығының дұрыс таңдалмауы. Тым сұйық май тез жанып кетеді, ал қою май жүйеге баяу тарайды және артық қысым тудырады.
Картердің желдету жүйесінің (PCV) бітелуі. Клапан жабылып қалғанда қысым жоғарылап, май сыртқа шығып кетеді.
Қозғалтқыштың қызып кетуі. Қызған май тұтқырлығын жоғалтып, тез жанып кетеді.
Ресейлік автоинженер Алексей Морозовтың айтуынша:
Май шығыны еш себепсіз күрт өссе – қозғалтқышты дереу тексеру қажет.
Май шығынын азайтудың қарапайым тәсілдері
Май деңгейін әр 1000-1500 км сайын тексеріңіз. Тексеру процесі қозғалтқыш суып тұрғандай және тегіс жерде жасаңыз.
Майды уақтылы ауыстырыңыз. Ескі май тотығып, қасиетін жоғалтады.
Тек өндіруші ұсынған май маркасын қолданыңыз.
Ауа сүзгісін бақылаңыз. Ластанған сүзгі моторға артық вакуум түсіріп, май тартылуын күшейтеді.
Қозғалтқышты себепсіз жоғары айналымда ұстамаңыз.
Ұзақ аялдамадан кейін көлік кемі 30-60 секунд бойы оталып тұруы керек, бұл майдың жүйеге біркелкі таралуына көмектеседі.
Қозғалтқыш майды көп жейтін болса...
Май шығыны 1000 км-ге 1 литрден асса, диагностика қажет.
Біріншіден, қысымды тексеріңіз – төмен болса, поршень сақиналары тозған болуы мүмкін.
Шамдарды тексеріңіз – қара немесе көгілдір күйе майдың цилиндрге түсіп жатқанын көрсетеді.
Кейде картер желдету жүйесін тазалау және тұтқырлығы сәл жоғары май пайдалану жеткілікті.
Ал егер себеп турбинада болса, оны жөндеу немесе тығыздағыштарын ауыстыру қажет.
Жағдай күрделі болса, онда қозғалтқышты толық жөндеу керек болады.
Май түрлерінің артықшылықтары мен кемшіліктері
|
Май түрі |
Артықшылықтары |
Кемшіліктері |
|
Минералды |
Арзанырақ, ескі қозғалтқыштарға жұмсақ әсер етеді |
Жылдам тотығады, күйе көп түзіледі |
|
Жартылай синтетикалық |
Баға мен сапаның тең балансы |
Барлық заманауи моторларға сай келмейді |
|
Синтетикалық |
Қызуға төзімді, аязда жақсы қорғайды |
Бағасы қымбат, ескі моторларда май ағуы мүмкін |
Май таңдауда неге мән беру керек?
Өндіруші көрсеткен май түрін таңдаған жөн (мысалы: 5W-30 ACEA A3/B4).
Ал қалада жүретін көліктер үшін жоғары термотұрақты синтетика қолайлы.
Май деңгейін, қысым датчигін және сорғыны тексеріп отырыңыз. Май қысымының төмендеуі – қозғалтқыштың ауыр зақымдануына әкелуі мүмкін.
Әртүрлі майларды араластыруға бола ма?
Жоқ, араластырмаған жөн. Тұтқырлығы бірдей болса да, қоспалары үйлеспей, майдың қасиетін нашарлатуы мүмкін.
Қысқаша тарихи шолу
Алғашқы мотор майлары кастор майы мен жануарлар майынан жасалған. Кейін минералды негіздер, ал XX ғасырдың соңына қарай синтетикалық құрамдар пайда болды.
Қазір синтетикалық майлар жүк көліктері мен спорткарларда да қолданылады – авиация деңгейіндегі қорғаныс береді.
Қысқа да нұсқа. Жазылыңыз telegram - ға
Оқи отырыңыз 
