Жамбыл облысында полицейлерге 77 жаңа автокөлік табысталды
Жамбыл облысында полицейлерге 77 жаңа автокөлік берілді, деп хабарлайды El.kz ақпарат агенттігі.
Жаңа жыл мерекесі қарсаңында Жамбыл облысының әкімі Ербол Қарашөкеев полиция қызметкерлеріне жаңа қызметтік автокөліктердің кілтін табыстады. Осылайша жамбылдық полицейлердің көлік паркі 77 жаңа автокөлікпен толықты.
Полиция қызметіне берілген көлік құралдары мен жаңартылған материалдық-техникалық базасы – полицейлердің жұмысын тиімдірек етуге өз ықпалын тигізеді деп сенемін. Бұл ретте осындай қолдау білдіргені үшін облыс әкіміне алғысымызды білдіреміз, – деп сөз сөйледі полиция департаментінің бастығы Бақытжан Малыбаев.
Салтанатты жиын соңында департамент бастығы полиция қызметкерлерін келе жатқан Жаңа жыл мерекесімен құттықтады. Сонымен қатар мереке күндері күшейтілген режимде жұмыс істеп, азаматтардың тыныштығы мен қауіпсіздігін қамтамасыз етуді тапсырды.
Қысқа да нұсқа. Жазылыңыз telegram - ға