Қыз алып қашам деп басы бәлеге қалды

Алматы қаласы Полиция департаменті қызды ұрлау дерегі бойынша тергеудің басталғанын мәлімдеді, - деп хабарлайды EL.KZ Polisia.kz-ке сілтеме жасап.

Бүгін біздің бөлімшеге А. есімді азаматша келіп, арыз жазды. Дерек тіркелді және тексеру жүргізіліп жатыр. Сонымен қатар, қызға алғашқы іс жүргізуде "көлікке өз еркімен отырғанын, ауылдастарына ешқандай шағымы жоқ екенін айтып, ішкі істер органдарын неліктен адастырғаны" туралы сұрақ қойылды. Ол достарына сенгендігін айтты. Оқиғаға қатысушылар анықталды, олардың әрқайсының әрекетіне түбегейлі баға беріледі, - деді Алмалы ауданы ПБ бастығы Есен Ысқақов.

Олар мені үйге апарып тастауы керек еді, бірақ басқа бағытқа бұрылды. Осыдан кейін оның ата-анасынан мені үйге қайтарсын деген қоңыраулар түсе бастады. Мені тұратын мекенжайым бойынша үйіме әкелді. Жалпы, мен арыз жазғым келмеді, мен тек олардан: "Мені жайыма қалдырыңдар, мен сендерге тиіспеймін" дедім - деді қыз.

Еске салайық, бұған дейін әлеуметтік желіде Алматыда қыз алып қашу сәтінің видеосы тараған болатын. Авторлары - жағдайға немқұрайды қарамаған алматылықтар белгісіз ер адамдар қызды көлікке күшпен отырғызғанын айтады.

Қысқа да нұсқа. Жазылыңыз telegram - ға