Ұшақ апатының алдын-ала себебін анықтау мүмкін емес - Қанат Бозымбаев
Премьер-министрдің орынбасары Қанат Бозымбаев Ақтаудағы ұшақ апатының себептері туралы пікір білдірді, деп хабарлайды El.kz ақпарат агенттігі.
Тіпті, алдын-ала себебін анықтау мүмкін емес, өйткені, бұл үшін арнайы мамандар бар. Жұмыс жүріп жатыр, сонда жағдай нақты болады. Дәл қазір нақты ештеңе айта алмаймын. Адамдар барын салып жатыр, ұшақ құлап, аударылып жатқанда біраз нәрсе болуы мүмкін. Сондықтан қорытынды жасағым келмейді, - деді Қанат Бозымбаев.
Оның айтуынша, қара жәшікті шифрлау жұмыстары жүргізіледі.
Қазір ведомствоаралық жедел-тергеу тобы құрылды. Менімен бірге криминалист-сарапшылар және авиация әкімшілігінен осындай әуе оқиғаларын зерттейтін мамандар да келді. Олар қылмыстық іс аясында барлық дәлелдерді жинап, қажетті сараптамаларды жүргізеді және апаттың себебін анықтайды. Қара жәшікті шифрлау және басқа да жұмыстар жүргізіледі. Әрине, барлығын жариялаймыз, - деді Қанат Бозымбаев.
Қысқа да нұсқа. Жазылыңыз telegram - ға