Үш айда республика бойынша 69 есірткі зертханасы жойылды

Үш айда республика бойынша 69 есірткі зертханасы жойылды

03.04.2025 04:22

Фото: Видеодан кадр

Ішкі істер министрлігі "Заң және Тәртіп" принципіне сәйкес есірткі қылмысымен күресті жалғастыруда, - деп хабарлайды Polisia.kz-ке сілтеме жасап El.kz ақпарат агенттігі.

Үш айда республика бойынша 69 есірткі зертханасы жойылы, 18 ұйымдасқан қылмыстық топтың жолы кесілді. Үш тоннадан астам есірткі заттары тәркіленді. Оның ішінде: 250 кг синтетика 1 тонна 642 кг марихуана 238 кг гашиш 322 грамм героин.

Жыл басынан бері 1425 адам ұсталды. Оның ішінде 76 әйел, 23 жасөспірім және 9 шетел азаматы. Есірткі қылмысын анықтау және жолын кесу бойынша жұмыс жалғасуда, - деді ІІМ Есірткі қылмысына қарсы іс-қимыл комитеті төрағасының орынбасары Данияр Мейірхан.